पोखरा । यही शुक्रवारबाट प्रदर्शनमा आउन लागेको चलचित्र ‘वसन्त’को अग्रिम टिकट बुकिङ खुल्ला भएको छ । क्यूएफएक्स, आइएनआईसहितका प्रमुख मल्टिप्लेक्स चेनले फिल्म ‘वसन्त’को अग्रिम टिकट बिक्री सुरु गरेसँगै चेन क्यूएफएक्सले शुक्रबारको लागि ६५ शो दिएको छ । आईएनआईले १६ शो प्रदान गरेको छ ।
गीत र ट्रेलरबाट राम्रो हाइप प्राप्त गरेको फिल्मले उत्साहजनक शो पाउनसक्छ ।आफ्नो जीवनका अनुभवलाई समेट्दै सपुतले निर्देशन र निर्माण गरेको ‘वसन्त’लाई केन्द्रीय चलचित्र जाँच समितिले युनिभर्सल प्रमाणपत्रसहित प्रदर्शन अनुमति दिएको छ ।
नेपाल र विदेशमा एकसाथ रिलिज हुने चलचित्र ‘वसन्त’मा प्रकाश सपुत, स्वस्तिमा खड्का, प्रभात पाल ठकुरी, श्री शिभान्सी, उर्मिला लाम्गादे, खड्क बहादुर पुन खबपु, अनुप बराल, कमलमणि नेपाल, प्रकाश घिमिरे र विशाल पहारीको अभिनय रहेको छ ।
