पोखरा । गत फागुन २९ गतेबाट नेपालमा प्रदर्शन भएको फिल्म ‘आउट लः दफा २१९’ अब हिन्दी भाषामा रिलिज हुने भएको छ । फिल्मका निर्माता अमित अग्रहरिले फिल्म हिन्दी भाषामा डब गरिएको र चाँडै नै रिलिज हुने बताएका छन् । फिल्म हलमा रिलिज हुने वा ओटीटीबाट रिलिज गर्ने भन्ने विषयमा टुंगो लागिसकेको भने छैन् ।
फिल्मको हिन्दी भर्सनमा ‘केजीएफ’ जस्तो चर्चित दक्षिण भारतीय फिल्ममा आवाज दिने कलाकारहरूले स्वर भरेका छन् । हिन्दीमा डबिङ भइसकेको फिल्मको मंगलबार ट्रेलर सार्वजनिक गरिएको छ । फिल्मको हिन्दी ट्रेलरमा दर्शकको उत्कृष्ट प्रतिक्रिया आइरहेको छ ।
अझै पनि नेपालका केही हलहरुमा प्रदर्शनरत फिल्मको एक्सन कोरियोग्राफी र मेकिङ दर्शकहरुले निकै रुचाएका छन् ।
नेपालमा राम्रो प्रतिक्रिया पाएपछि विदेशी बजारमा पनि यो फिल्मको माग राम्रो देखिएको छ । फिल्म यूरोप, बेलायत, अष्ट्रेलिया, अमेरिका, जापान, कतार, दुबई लगायतका देशमा रिलिज हुँदैछ ।
