पोखरा । आगामी जेठ १५ गतेबाट प्रदर्शनको तयारीमा रहेको फिल्म ‘महाभोज’को कौडा भाकाको गीत ‘मख्खै परेँ’ सार्वजनिक गरिएको छ ।
मौसम हिमालीको कोरियोग्राफी रहेको गीतको भिडियोमा फिल्मका प्रमुख कलाकारहरू दयाहाङ राई, खगेन्द्र लामिछाने, अञ्जना बराइली, गौमाया गुरुङ र मलिका महत कौडा नृत्य गर्दै देखिएका छन् भने आर्यन सिग्देल र सुरक्षा पन्तलाई गाउँको सभ्रान्त व्यक्तिको रूपमा प्रस्तुत गरिएको छ । भिडियोको अन्त्यमा दयाहाङ र गौमायालाई छापामारको पोसाकमा देख्न सकिन्छ ।
कौडा भाकाको यस गीतमा सुरेन्द्र दियालीको शब्द रचना, प्रशान्त सिवाकोटीको स्वर तथा सङ्गीत रहेको छ भने ससिका राईले स्वरमा साथ दिएकी छन् ।
दिनेश राउतको निर्देशनमा बनेको ‘महाभोज’लाई दर्शकले उच्च अपेक्षाका साथ पर्खिरहेका छन् ।
