पोखरा । चलचित्र ‘वसन्त’ को नयाँ गीत ‘हेर्दै आँखामा’ सार्वजनिक भएको छ । चैत्र २२ गते देशव्यापी प्रदर्शनको तयारी गरिएको यो फिल्मको उक्त गीत युटुव ट्रन्डिङमा आएको छ ।
नेपालका रमणीय स्थानहरूका साथै भारतको गोवामा छायाङ्कन गरिएको गीतमा प्रकाश सपुत र अभिनेत्री स्वस्तिमा खड्का रोमान्टिक अवतारमा प्रस्तुत भएका छन् । सार्वजनिक गीतमा चलचित्रका मुख्य पात्र वसन्तले विभिन्न धर्म र संस्कार अनुसार विवाह गरेको देखाइएको छ, जसले चलचित्रको कथा र मर्मलाई चित्रण गरेको छ ।
गीतमा सुगम पोखरेल र समीक्षा अधिकारीको स्वर रहेको छ भने प्रकाश सपुतको शब्द र सङ्गीत रहेको छ । योगेश काजी शाहले गीतलाई सङ्गीत संयोजन गरेका हुन् भने सुशन प्रजापतिले छायाङ्कन र केबीका खत्रीले कोरियोग्राफी गरेका हुन् । प्रवीन भट्टले गीतको सम्पादन गरेका छन् ।
