पोखरा । महानायक राजेश हमालको कमव्याक फिल्म ‘नरसिंहाः अवतार’ को फस्टलुक सार्वजानिक गरिएको छ । काठमाडौंको ग्लोबल कलेजमा पाँच सय बढी विद्यार्थीहरुको उपस्थितीमा चलचित्रको दुई पोस्टर सार्वजनिक गरिएको हो।

राकेश दाहालले फिल्मको पोस्टर डिजाइनको एक पोस्टरमा अभिनेता हमाललाई राखिएको छ भने अर्को पोस्टरमा अभिनेता राज कटुवाललाई राखिएको छ । पोस्टरको पृष्ठभूमिमा नरसिंहा भगवानको तस्बिरलाई राखिएको छ ।

पोष्टर रिलिज संगै चलचित्रको प्रदर्शन मिति पनि सार्वजनिक गरिएको छ। चलचित्रलाई आउँदो वर्षको जेठ ९ गतेबाट रिलिज गर्ने घोषणा यसको निर्माणपक्षले गरेको छ । दिवाकर भट्टराइको लेखन तथा निर्देशनमा तयार भएको यो चलचित्रबाट नायक राजेश हमालले ८ वर्षपछि नेपाली फिल्म क्षेत्रमा कमब्याक गर्दैछन् । यसकारण, पनि यो चलचित्र विशेष र प्रतिक्षित छ ।

यो चलचित्रमा राजेश हमालको साथमा सरोज खनाल, नीर शाह, राज कटुवाल, नीति शाह, सनिषा भट्टराई, उषा खड्गी, अर्जुन श्रेष्ठ, प्रशान्त ताम्राकार, रमेश चन्द सोडारी, प्रकाश कुँवर, राजिभ जंग बस्नेत, दीपा शाही, प्रभु श्रेष्ठ, अमित गिरी, एभेलिना खड्का, समाइरा थापा, आशा पौडेल लगायतका कलाकाररुको अभिनय छ ।

By admin

Leave a Reply

Your email address will not be published. Required fields are marked *